Roedd y digwyddiad ar y cyd yma yn gyfle i ddysgu mwy am y newidiadau a’r heriau allweddol sy’n wynebu’r sector, yn ogystal â chlywed gan uwch-arweinwyr y wlad ac adeiladu rhwydweithiau rhanbarthol.

Cynhalwyd y gynhadledd gan sefydliadau ledled y sector a ariennir yn gyhoeddus yng Nghymru. Roedd rhain yn cynnwys GIG Cymru, Llywodraeth Cymru, Heddlu De Cymru, Cyngor Dinas Caerdydd, Swyddfa Archwilio Cymru a’r sectorau addysg bellach ac uwch.

Aml-ddefnyddwyr gwasanaethau cyhoeddus yw’r rheiny sydd â chyswllt cyson gyda gwasanaeth cyhoeddus penodol neu gyfres ohonynt. Maent yn cyfrannu’n helaeth at y galw ar wasanaethau sy’n arwain at gostau anferth o ran amser ac adnoddau. Gall hyn greu risg o wasanaethau’n methu â chwrdd ag argyfwng.

Mae Gwasanaethau Cyhoeddus yn gwario miliynau o bunnoedd ar brosiectau na chânt fyth eu gorffen. Yn aml, nid oes a wnelo'r rheswm unrhyw beth ag ansawdd y targedau cyflawnadwy. Yn amlach na pheidio nid oes yr amser, yr egni na'r brwdfrydedd i wneud yn siŵr y caiff y cynnyrch neu'r gwasanaeth ei fabwysiadu a'i ymgorffori yn y sefydliad. Mae'n ymwneud â Thîm y Rhaglen a Rheoli Prosiect sydd wedi symud ymlaen i'r prosiect nesaf neu sydd wedi diddymu yn amlach na pheidio.