Rydym wedi gosod ReadSpeaker webReader, sy'n caniatáu i ymwelwyr drosi cynnwys ar-lein yn sain ar unwaith ar ein gwefan.
Cliciwch ar yr eicon uchod i roi cynnig arni, a manteisiwch ar yr ystod lawn o nodweddion defnyddiol Darllenyddwe trwy glicio ar y ddolen isod.
Gwefan Readspeaker
Mae'r datganiad hygyrchedd hwn yn berthnasol i www.archwilio.cymru. Mae'r wefan hon yn cael ei rhedeg gan Archwilio Cymru. Rydym am i gynifer o bobl â phosibl allu defnyddio'r wefan hon.
Gweld datganiad hygyrchedd
Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi'u rhestru ar y dudalen hon neu'n credu nad ydym yn bodloni gofynion hygyrchedd, cysylltwch â:
post@archwilio.cymru
Mae'n ofynnol i Archwilydd Cyffredinol Cymru a Swyddfa Archwilio Cymru ddilyn fframwaith amddiffyn rhag gwahaniaethu, aflonyddu ac erledigaeth a dyletswyddau cydraddoldeb y sector cyhoeddus a gyflwynwyd gan Ddeddf Cydraddoldeb 2010.
Mae gennym hefyd y cyfrifoldeb i gynnal y confensiynau a amlinellir yn Neddf Hawliau Dynol 1998 [Agorir mewn ffenest newydd]. Rydym wedi ymroi i ddarparu amgylchedd gwaith sy'n gwerthfawrogi amrywiaeth ein holl bobl – ein staff a'r rhai rydym yn dod ar eu traws yn ein gwaith, ac rydym yn llwyr gefnogi hawl pobl i gael eu trin ag urddas a pharch.
Mae ein Cynllun Cydraddoldeb Strategol yn amlinellu ein hymroddiad parhaus i gydraddoldeb ac ein hamcanion cysylltiedig. Mae ein hadroddiadau blynyddol ar y cynnydd a wnaed tuag at gyflawni ein hamcanion cydraddoldeb ar gael yn yr adran Cyhoeddiadau.
Mae ein Polisi Addasiadau Rhesymol [PDF 154KB Agorir mewn ffenest newydd] yn egluro ein dull gweithredu i wneud addasiadau ar gyfer pobl sydd â nam ac sy'n nodi y gall y ffordd rydym yn cyflawni ein swyddogaethau fel arall achosi anfantais iddynt. Yn ogystal, rydym yn cydnabod y gall fod angen hefyd addasiadau ar unigolion â nodweddion gwarchodedig eraill.
Os yw’n debygol y bydd arnoch angen unrhyw addasiadau wrth ddelio â ni, rhowch gymaint o fanylion ag y gallwch am y math o newidiadau y credwch efallai y bydd arnoch angen i staff Swyddfa Archwilio Cymru (neu bersonau sy'n darparu gwasanaethau i Swyddfa Archwilio Cymru) yr ydych yn delio â hwythau.
Rydym hefyd wedi rhoi trefniadau ar waith ar gyfer asesu effaith tebygol polisïau ac arferion perthnasol yn ein sefydliad ar ein gallu i fodloni’r ddyletswydd gydraddoldeb cyffredinol [Agorir mewn ffenest newydd] ac i gynnal y Confensiynau Hawliau Dynol.
Mae ein hasesiadau'n canolbwyntio ar y cwestiynau canlynol:
Wedyn, rydym yn cyhoeddi adroddiadau ar ein hasesiadau o bolisïau ac arferion sy'n arbennig o berthnasol.