Yn falch o gael ein henwi yn un o Ddeg Cyflogwr Gorau Working Families 2023

Mae'r elusen genedlaethol, Working Families [agor i'r mewn ffenestr newydd], ar gyfer rhieni a gofalwyr sy'n gweithio, wedi cyhoeddi bod Archwilio Cymru wedi ennill lle ar ei rhestr anrhydeddus a chystadleuol o'r cyflogwyr hyblyg ac addas i deuluoedd gorau yn y DU.

Bellach yn ei phedwaredd flwyddyn ar ddeg, mae cyflogwyr mawr a bach o bob rhan o'r sector cyhoeddus, y sector preifat a'r trydydd sector yn cystadlu'n flynyddol i ennill lle anrhydeddus ar restr yr elusen o Gyflogwyr Gorau ar gyfer Teuluoedd sy’n Gweithio.

Y Deg Cyflogwr Gorau ar gyfer Teuluoedd sy'n Gweithio eleni – yn nhrefn yr wyddor - yw:                               

• Archwilio Cymru
• Citigroup
• Grant Thornton
• Grŵp NatWest
• Gwasanaeth Erlyn y Goron
• Imperial College London
• North East London NHS Foundation Trust (NELFT)
• Pinsent Masons
• Senedd Cymru
• Yorkshire Building Society

Aseswyd cyflogwyr gan ddefnyddio Meincnod Working Families a chawsant eu sgorio i greu darlun cynhwysfawr o'u polisïau a'u harferion hyblyg a chroesawgar i deuluoedd sy'n cefnogi rhieni a gofalwyr yn benodol.