Mae'r adroddiad yn nodi bod cost methiant mewn llywodraethu a rheolaeth ariannol nid yn unig yn sylweddol o ran cost ymgynghoriaeth a gwasanaethau cyfreithiol, ond hefyd o ran y miloedd o oriau a dreulir gan lawer o wahanol gyrff cyhoeddus yn ymateb i'r materion sylfaenol. 

Ond daw'r effaith andwyol fwyaf o’r ffordd y gall y materion hyn dynnu sylw sefydliad odd ar ei amcanion craidd a'i wasanaethau ar gyfer y cyhoedd.

Wrth i adnoddau ariannol a dynol gael eu hymestyn, mae'r risg y bydd methiant o ran llywodraethu a/neu fethiannau eraill i wasanaethau yn cynyddu. Nid yw hyn yn ymwneud â systemau a phrosesau yn unig; mae hefyd yn ymwneud ag ymddygiadau a phwysigrwydd dangos ymrwymiad clir i egwyddorion Nolan, sef Anhunanoldeb, Uniondeb, Gwrthrychedd, Atebolrwydd, Bod yn Agored, Gonestrwydd ac Arweinyddiaeth.

Bob tro y bydd y cyhoedd yn gweld y math o fethiannau o ran ymddygiad a llywodraethu y mae Archwilio Cymru wedi adrodd amdanynt, mae ymddiriedaeth yn y rhai sy'n arwain ein gwasanaethau cyhoeddus yn cael ei niweidio. Mae hynny, yn ei dro, yn ei gwneud hi'n anoddach ennill cefnogaeth y cyhoedd lle mae angen gwneud newidiadau mwy radical. 

Mae'r gyfres hon o ddigwyddiadau yn cynnwys y themâu canlynol: 

• Cynyddu lled band ar drawsnewid digidol
• Anelu at gyflawni’r egwyddor datblygu cynaliadwy
• Mynd i'r afael â thwyll a gwallau
• Gweithlu'r dyfodol
• Tirwedd gymhleth gwasanaethau cyhoeddus
• Profi gwerth am arian

Bydd rhagor o fanylion am y digwyddiadau hyn ar gael ar ein gwefan yn fuan. Byddwn yn anfon e-bost i'n rhestr bostio pan fydd hi’n bosib archebu. Os hoffech gael eich ychwanegu at ein rhestr bostio ar gyfer diweddariadau yn y dyfodol, e-bostiwch arfer.da@archwilio.cymru.  

Byddwn hefyd yn cyhoeddi siaradwyr eraill yn agosach at ddyddiad y digwyddiad, a fydd yn gyfle i ddysgu a rhannu profiadau gyda'ch cyfoedion.