Bwriedir i’n gwaith asesu strwythuredig helpu i fodloni gofyniad statudol yr Archwilydd Cyffredinol o dan adran 61 Deddf Archwilio Cyhoeddus (Cymru) 2004 i fod yn fodlon bod cyrff GIG wedi gwneud trefniadau priodol i sicrhau darbodaeth, effeithlonrwydd, ac effeithiolrwydd yn eu defnydd o adnoddau.

Ar y cyfan, canfuwyd gennym fod yr Ymddiriedolaeth yn dangos pwyslais ar wella ei threfniadau ar gyfer llywodraethu, cynllunio a chyllid. Fodd bynnag, mae pwysau gweithredu sylweddol, aneffeithlonrwydd wedi’i achosi gan oedi cyn trosglwyddo, dibyniaeth ar arbedion nad ydynt yn gylchol a diffyg cyllid sydd ar gael yn cyfyngu ei gallu i drawsnewid gwasanaethau.